睇新聞報紙，娛樂報導版近期的紅人應該算係杜汶澤了吧？繼早前喺fb畀黃秋生含沙射影批評，到因為撐臺灣反服貿畀內地影視公司下禁令，再到最近喺演唱會串容祖兒……真係拍片拍劇都無見佢曝光率咁高，但宜家喺風口浪尖之關頭，阿澤都仲係收下聲，等人地息下怒先喇！
事緣阿澤喺「伍樂城幻想國度作品演唱會2014」獻唱一曲《逃避你》，之後衰多口講說話開罪容祖兒，指佢「做唔到影后」，令到祖兒嬲爆。
不過，聽講今次只不過係最後一根稻草的導火線，祖兒都已經有好多積怨噶喇，之前同劉浩龍拍拖，阿澤一向唔收口，又唔帶腦出街，喺英皇期間窒過唔少人，最弊係佢不停喺班英皇人面前唱劉浩龍（師兄）：「識搵女朋友就得，唔使做啦！」
正所謂積怨已深，所以阿澤即使兩度po文道歉，都無補於事喇，計我話，就等呢段風波過一排，等祖兒條氣順番少少，再息事寧人啦！娛樂圈其實好細，而且有咁多fans看官睇住，所以窒人前，忍忍口啊！
全站熱搜
留言列表
